Leit sei U President ka Portugal, ia arngut ki kynthei kiba jan ngam jyllop

U President jong ka Portugal, ula kylla long u nong samaria ba bha, ha kaba ula iarap ban leit sei ia ki arngut ki kynthei, kiba shah rong ha ka um, katba ki dang jngi ha ka duriaw ha Algarve.

U Marcelo Rebelo de Sousa, 71, haba u iohi, ba kitei ki arngut ki la shah rong ha ka um, kumta ula leit mar mar ban iarap ia ki, hadien ba ka lieng ba ki shong ka la kylla.

U President Marcelo, u don ha jingleit kai pyngngad sha Algarve, ban kyntiew ia kam shang pyrthei ha katei ka ri bad katba u dang iakren bad ki nongthoh khubor, ha katei ka rud duriaw, u iohi, ba kitei ki arngut, ki la hap na ka lieng bad mar kumta, ula leit mar mar ban sei ia ki na katei ka duriaw.