14 sngi, ka dei ban shong kyrpang, na ka khlam corona, ong U DHS

Shillong: U Dr A War, DHS (MI), u iathuh mynta ka sngi, ba ka por ba ki briew, kin shong kyrpang ha la iing, ka dei ban long 14 sngi bad kam dei satia 28 sngi.

Na ka bynta kiba leit jingleit shabar ka jylla bad kiba wan phai biang, ka long 7 sngi, ula iathuh shuh shuh.

U DHS, ula ong ba hadien, ba ki la dep ia katei ka jingshong kyrpang, kaba 14 sngi, kumta kim donkam shuh ban dang shong kyrpang biang bad lada don kino kino kiba leh kumtei, katei kan long kaba beain.