63ngut ha ka shisngi, nang kiew ka khlam corona ha West Garo Hills

Shillong: Ki don sa 63 ngut, kiba ioh ia ka khlam corona virus ha ka jylla, haba shim jingkhein, haduh ka por 10 baje mynta mynstep.

Kitei ki long 6 ngut ki riew paidbah ha East Khasi Hills, 9 ngut ki riew paidbah ha Ribhoi District, nangta sa 48 ngut ha West Garo Hills bad kitei k long 39 ngut ki BSF bad 9ngut ki riew paidbah.

Kiba la jem ki long 3 ngut ki riew paidbah ha Ribhoi District, uwei ha West Jaintia hills, 56 ngut ha East Khasi Hills bad kitei ki kynthup ia uwei u BSF, 3 ngut ki shipai bad 52ngut ki riew paidbah.

Kiba dang don ha katei ka jingpang, haduh mynta ki long 693 ngut bad ha East Khasi Hills, ki don mynta 388ngut. Na kitei ki kynthup ia 86 ngut ki BSF, 233 ngut ki riew paidbah, 69 ngut ki shipai.

Ha Ribhoi, ki don mynta 95 ngut kiba dang don ia katei ka jingpang bad ha West Garo Hills, ki don 183 ngut ki nongpang.