Rai U Suresh Raina, ban shongthait noh na ka ialehkai ha rynsan ka pyrthei

U Suresh Raina, uwei na ki nongialehkai kriket ba pawnam jong ka India, ula rai ban shongthait noh na katei ka jingialehkai ban ia khun ha ki rynsan ialehkai ka pyrthei.

U Raina, u pynbna, ba un shongthait noh, mar ia pynbna U MS Dhoni, ba un shongthait na ki jingialehkai ka pyrthei. U Raina, ula ju ialehkai lang, ha ka jing ialam jong U Dhoni, sha ki jingialehkai bapher ha kiwei pat ki ri.

U Raina, ula thoh ha ka peij jongu ha Instagram “Kam don eiei satia, hynrei ka long kaba sngew hun shi katdei ban ialehkai lang bad phi@mahi7781. Da ka mynsiem, kaba sngewieid bad sngew kmen, nga la rai ban bud ia ka lynti iaid jongphi bad ban shongthait noh na ka jingialehkai. Khublei India. Jai Hind,” thoh U Raina.

U Raina, ula don 33 snem ka rta bad u dei uwei na ki nongialehkai, uba la ju ialehkai ha ki rynsan bapher jong ka pyrthei, ha ka kynhun ialehkai jong ka India.