Halor ka khubor, kaba la mih ha U Rupang. com, ka Executive Committee jong ka shnong Bakur kaba long ha ka sngi 13.08.2020 ha ophis shnong, ka la shim iaka rai ban kyrpad ia u CEM, u EM in charge political bad ki ophisar ka JHADC ban nym pdiang iaka jingdawa sospon u Lop Stevenson Khonglah bad ki kato katne ngut ia u waheh shnong bad ka EC Bakur namar ka jingkynnoh jongkine ki briew ka long kaba lamler bad bym don nongrim.
Shuh shuh, ia kane ka kam kala poi sha ka Court kumta ka dei ka kam jong ka court ba don burom ban shim iaka rai. Halor ka jingkynthoh u Lop Stevenson ba kiba la don case kim lah ban pyniaid iaki kam shnong, kane kadei kaba bakla bad ka pyni ba une u samla um pat shai satia ia ka ain namar kumba long mynta hi ka ain jong ka district council kam khang satia ia u rangbah shnong ban long rangbah shnong tang namar ba u don case.
Ka District council ha por ba ka shna ia ka ain rangbah shnong lehse ka lah iohi jngai ba kan sa don ka jingshim kabu ban shuh file case lamler ia ki Rangbah shnong kumba jia mynta ha ka shnong Bakur bad namar kane ka khlem khang satia ia ki Rangbah shnong ban long Rangbah shnong wat lada ki don case. Kum ban shuh pynshai ba kam dei ka sien ba nyngkong ba ki waheh shnong kin don case bad ki don kiwei ruh ki waheh shnong kiba don case hynrei ka kam waheh shnong ka iaid beit bad ka kam case ruh ka iaid hynrei lada jia ba rai pynrem ka court te ka Dorbar shnong ka lah ban pynkhein ia u u waheh shnong.
Halor ka jing ong u Lop Stevenson ba u waheh shnong u pyniaid marwei iaki kam shnong kane ka long kaba bakla bad u la shu kren tang ban pynjah burom ia kiwei namar ki don ki record haka register jong ka shnong ba pyni ba ia baroh ki kam shnong lah pyniaid da ka Executive committee. Ka jingkam jong une u samla ba ki don 30 tylli ki ing kiba kyrshan ia u, na ka liang ka EC ka kwah ban pynshai ba ka Shnong Bakur ka don palat 300 tylli ki iing briew bad baroh kine ki ai jingkyrshan ia u waheh shnong bad iaka EC baroh kawei.
Shuh shuh, ka jingkynnoh ba lah don kti da ki heh ki hain ban iada ia U Rangbah shnong kane ka long kaba khlem nongrim namar U Rangbah shnong u lah iaid lynti kat kum ka kyndon ain ban ioh ia ka bail. Khatduh ka EC jongka shnong Bakur ka kwah ban pynpaw ba imat don ka jingthmu sha lyndet ban pynkhyllem iaka Kam Rangbah shnong bad ia ka EC jong ka Dorbar shnong Bakur namar ka EC shnong ha ka jingialam jong U Rangbah shnong ka lah leh ia bun ki kam hapoh shnong kynthup ban pynsangeh ia ka jingdie kyiad beain, ka jingdih buiad hapoh shnong, ka jing iadie ia thied bad ka Bangladesh ha kane ka por Corona Virus, bad kiwei kiwei de bad kine baroh ki lah pynduh nong ia ki khyndiat ngut ki briew hynrei ka wanrah pat ka jingbha ia ka shnong hi baroh kawei.
Wat hapdeng kine ki jingpynwit, Ka EC hapoh ka jingialam jong U Rangbah Shnong kan iai leh ia ki kam ba bha kat kum ba shah ka ain na ka bynta ka bha ka miat ki nongshong shnong jong ka shnong Bakur bad ka EC ka kyrpad ia ki paidbah ban nym ngeit ia ki jingkynnoh lamler .
Nga kwah ban Kylli iaki ta ki ba ong kila rai ha ing bishar shnong. Hangno ka don ka ta ka office shnong jong ka Bakur, namar Kat Kum ka jing iohi jongnga ba naduh ba ioh iaki nongkit kam shnong thymmai ha u snem 2019 tad Haduh mynta iaka ka officer shnong kila khang tala, iaki meeting jong ka shnong ruh la pyllong ha ing briew.kumno phi ia Nud ban ong kadon ka office shnong.
Ka sur u Nongshong Shnong ka Bakur