Sa 23 ngut kiba ioh pang khlam corona ha ka Jylla, kiew ha East Khasi bad West Garo Hills

Shillong: Sa 23 ngut ki don kiba ioh pang khlam corona virus ha ka Jylla, haduh ka por 10 baje mynta ka step.

Ha East Khasi Hills, ki don 11 ngut bad kitei ki long uwei u shipai, 8 ngut ki BSF bad arngut ki riew paidbah. Ha South Garo Hills uwei u riew paidbah, ha North Garo Hills uwei u riew paidbah bad ha West Garo Hills 10 ngut ki BSF.

Kiba la jem na ka jingpang, ki long 7 ngut bad kitei ki kynthup ia uwei ha East Jaintia Hills, uba dei u riew paidbah, 2 ngut ha West Khasi Hills, kiba dei ki riew paidbah, 3 ngut ha East Khasi Hills, ki riew paidbah bad uwei u riew paidbah ha Ribhoi District.

Baroh kiba don ia katei ka jingpang, ki long 642 ngut bad ha East Khasi Hills, ki long 433 ngut bad ki BSF, ki don 96 ngut, ki riew paidbah 267 ngut bad ki shipai ki don 70ngut. Ha West Khasi Hills, ki don 3ngut, ha South West Khasi Hills 1, ha Ribhoi 92 ngut, West Jaintia Hills 16, East Jaintia Hills 5 ngut, West Garo Hills 82, South West Garo Hills 2, South Garo Hills 3, North Garo hills 5. Baroh kiba la jem na ka jingpang ki don 517 ngut.