Nang kiew ka khlam corona ha East Khasi Hills, Ribhoi District

Shillong: U Director ka tnad ka koit ka khiah u Dr Aman War, u iathuh ba mynta ka sngi, ki don 27 ngut ki briew kiba ioh ia ka khlam Covid.

Kitei ki long 8 ngut ha ha East Khasi Hills District, ha Ribhoi District 8 ngut ha West Garo Hills District 7 ngut ha South West Khasi Hills District uwei, West Jaintia Hills District uwei ha North Garo Hills 2 ngut.

Haba ia kren bad ki lad pathai khubor u Dr War u la iathuh ba na East Khasi Hills District ki 8 ngut ki ba la test Covid positive ki dei 2 ngut ki CRPF, uwei u Arm Forces, uwei u shipai BSF bad 4 ngut ki riew paidbah. Kine ki kynthup ia uwei u nongniahkali Tourist, iwei i dei i Nurse jong ka NEIGRIHMS hospital, iwei dei doctor jong ka Ayush ha civil Hospital, uwei dei uba ia kynduh ia u nongpang jong ka NEIGRIHMS Hospital.

Ha Ribhoi District, 8 ngut kiba la test Covid Positive ki dei ki riewpaidbah ki ba kynthup ia ki 6 ngut kiba trei ha CMJ Breweries kaba don ha Byrnihat uwei u dei u Forest Guard bad uwei dei high risk contact jong une u Guard, ha West Jaintia Hills dei ka nurse ka ba trei ha Dr Norman Tunnel Hospital, Jowai.

Ha South West khasi hill, u dei u ba wan phai na shabar ka jylla, ha West Garo Hills 7 ngut ki ba la test Covid positive ki dei ki shipai BSF bad na North Garo Hills District ki 2 ngut ki ba la test Covid Positive ki dei ki ba wan phai na shabar ka jylla.

Ha ka jylla ki briew ki ba don ia kane ka jingpang ki long 626 ngut ha East Khasi Hills District 425 ngut ha West Khasi Hills District 5 ngut ha South West Khasi Hills District uwei,ha RiBhoi District 93 ngut ha West Jaintia hills District 16 ,ha East Jaintia Hills District 6 ngut, ha West Garo Hills District 72 ngut, ha South West Garo Hills District 2 ngut ha South Garo Hills District 2 ngut bad ha North Garo Hills Dsitrict 4 ngut.

Ki briew ki ba la koit pura haduh mynta ka sngi ki long 510 ngut kynthup ia ki 12 ngut ki ba la koit mynta ka sngi ki sam ple ki ba la phah ban test ki long 41509 tylli kiba long negative ki long 40058 tylli bad ki result ki ba dang ap ki long 309 tylli.