Da ka komiti ban iakhun pynrung 8th Schduled ia ka ktien Khasi rNgan thaw ia ka komiti lashi hi: Dr Mukul

Shillong, 27 Naiwieng:
Ka iing dorbar mynta ka sngi ka la rai ban thaw da ka Komiti na ka bynta ban buddien ban iakhun ban pynrung noh ia ka ktien Khasi ha ka khyrnit ba phra jong ka riti synshar paidbah ka ri.
U Myntri Rangbah ka jylla u Dr Mukul Sangma u la pynbna ia kane hapoh
ka iing dorbar thawain hynne ka sngi hadien ba la jubab ia ka phang ba
la wanrah da u MLA ka UDP u Bah Paul Lyngdohuba dawa ba dei ban shimda ka rai kum ka iing halor kane ka bynta. Haba jubab ia kane ka phang, u Myntri Rangbah u la ong ba ka longkaba donkam eh shisha ban ioh pynrung noh ha ka khyrnit ba phra jong ka riti synshar ka ri kum kawei na ki ktien ba la paw ha kane ka jylla. U la ong ba ym tang mynta hynrei ka sorkar ka la shim ki lad ki lynti ban iakhun ia kane ka mat kaba donkam.
U la pdiang ba ka sorkar kan thaw ia ka komiti kaban kynthup ia ki dkhot ka Khasi Authors Society (KAS), ki dkhot liangpyrshah bad na ka sorkar halor kane ka bynta khnang ban pynurlong ia kane ka jingthmu.
“Ngan pynmih ia ka jingpynbna lashai noh hi ban thaw ia kane ka komiti”, la ong u Dr Mukul.
Shwa ia kane, u Dr Mukul u la ong ba ka long kajingshisha ba ka ktien Khasi la kren ha kane ka jylla, ha Assam bad ha Bangladesh ruh bad la mih ruh bun ki kot kiba la thoh ha ka ktien Khasi wat ki nongthoh kiba la ioh khusnam ruh na ka sorkar india kum u Prof SS Majaw, Bah Dewi Khongdup.
Hadien ba la ioh ia ka jubab kaba sngewhun na u Myntri Rangbah ka jylla, na ka liang u Bah Lyngdoh u la weng noh ia ka jingdawa ban shim da ka rai bad shaniah ba ka sorkar ka dei ban leh ia kane ka kam mardor.
“Nga sngew tynnad ia ka jingkloi ka rukom pyrkhat u myntri rangbahban thaw noh ia ka komiti lashai hi”, la ong u MLA ka UDP. Shwa ia kane, unongialam ka liangpyrshah u Dr Donkupar Roy u la ongba kane ka phang ka dei kaba donkam haduh katta katta bad ki MLA ne kasorkar kim dei ban leh politik hynrei ban iatylli lang.
“Hapoh ka iing dorbar kiMLA kim kyrshan ia ka rai ba wanrah da kaliangpyrshah hynrei lada ngi iakren shimet bad ki,baroh ki ong ba kalong kaba donkam bad kin kyrshan”, la ong u Dr Donbad bynrap, ba kumkane kam dei ban jia haba iadei bad ka mat jong ka ktien ka thylliejjong ka jaidbynriew.
Kiwei kiba iashim bynta ha kane ka jingiatainia ki kynthup ia u MLA ka Nongthymmai u Dr Jemino Mawthoh, u MLA ka Mawsynram Bah Pynshngain Syiem, u MLA ka Mylliem Bah Ronnie V Lyngdoh kiba dei na ka liang synshar.