Sa 2,900ngut kiba ioh pang khlam covid 19 ha Assam, kiew kiba iap sha ka 151 ngut

Ki don sa 2,900 ngut kiba ioh ia ka khlam COVID19 ha Assam, hynnin ka sngi bad baroh kiba ioh ia katei ka jingpang, ki la poi sha ka 61,737 ngut.

U Himanta Biswa Sarma, myntri ka koit ka khiah ka Assam, u iathuh ba kitei kiba ioh pang thymmai, ki kynthup ia 382 ngut na Kamrup Metro, 294 ngut na Kamrup rural, 250 ngut na Dibrugarh bad 200ngut na Nagaon.

Haduh mynta ka Assam, ka don ia 19,258 ngut kiba dang don ia ka khlam covid 19 bad kiba iap, ki long baroh 151 ngut, da ka jingdon sa 6 ngut, kiba iap hynnin ka sngi.