Jop ka BJP, ha ka jing ia tynjuh bor, resain 6 ngut ki MLA Congress ha Manipur

Ka sorkar BJP, ba la ialam da U N Biren Singh, ka la jop ha ka jing ia tynjuh bor mynta ka sngi ha ka iing dorbar ha Manipur.

Ka sorkar BJP, ka don 28 ngut ki dkhot, katba ki liang pyrshah, ki don 16 ngut.

Phra ngut ki MLA Congress, ki la pep dorbar mynta ka sngi, ban pyneh ia ka hukum jong ki nongialam jong ka seng bad mynta ka miet, hynriew ngut na ki, ki la resain noh, na ka jinglong MLA, ha kaba ki la phah ia ki shithi iehnoh kam sha u lamphang dorbar Jylla.

Ka Congress, ka don 24 ngut ki MLA, ha ka iing dorbar, kaba don mynta 53 ngut ki dkhot, ha ka iing dorbar kaba don 60ngut baroh ki dkhot. Ka jing ia tynjuh bor, ka poi sha ka jing ia bitar, ha kaba ki MLA Congress, ki lynthaw ia ki miej ki shuki ha iing dorbar, namar ba kim iahap ia ka jing pyniaid dorbar mynta ka sngi.