Sa 52 ngut, kiba ioh pang khlam corona ha ka Jylla, kiew ha East Khasi bad West Garo Hills

Shillong: Ki don sa 52 ngut kiba dang shu ioh ia ka jingpang corona ha ka Jylla. Kitei ki long 11ngut ha East Khasi Hills, ha kaba uwei u dei u shipai bad shiphew ngut ki riew paidbah. Ha Ribhoi, ki don 2 ngut bad uwei u dei u shipai bad uwei u riew paidbah, ha West Garo hills, ki don 39 ngut bad 29 ngtu ki BSF bad 10ngut ki riew paidbah.

Kiba la jem ki long 8ngut bad kitei ki kynthup ia 3 ngut ki riew paidbah ha East Khasi Hills bad 5ngut ha West Garo Hills, ha kaba uwei u dei U BSF bad 4ngut ki riew paidbah.

Baroh kiba dang don ia katei ka jingpang, ki long 610 ngut bad ha East Khasi Hills, ki don 427 ngut bad kitei ki kynthup ia 91 ngut ki BSF, 267 ngut ki riew paidbah bad 69 ngut ki shipai.

Ha West Khasi Hills, ki don mynta 6 ngut, ha Ri bhoi 85 ngut, West Jaintia Hills 15ngut, East Jaintia Hills 6 ngut, South West Garo Hills 2 ngut, North Garo hills 2 ngut. Baroh kiba la jem na ka corona, ki long 498 bad kiba iap baroh 6 ngut.