Sa 2,218 ngut kiba ioh pang khlam covid ha Assam

Ki don sa 2,218 ngut kiba ioh pang covid 19 ha Assam bad baroh kiba ioh pang, ki la poi mynta sha ka 57,714 ngut.

U Himanta Biswa Sarma, myntri ka koit ka khiah ka Assam, u iathuh ba ha Kamrup Metro, ki don 299ngut kiba ioh pang thymmai, ha Cachar, ki don 165 ngut, ha Nagaon 150 ngut bad ha Dibrugarh 142 ngut. Baroh kiba dang don ia katei ka jingpang, ki long 16,980ngut ha katei ka Jylla.

Hynnin ka sngi, kiba iap ha Assam, ki long 8 ngut bad baroh kiba iap, ki la poi sha ka 140 ngut, ong shuh ka khubor.