Sa 2,284 ngut kiba ioh pang khlam covid 19 ha ka shisngi Assam

Ki don sa 2,284 ngut kiba ioh ia ka pang khlam COVID19 ha Assam, hynnin ka sngi bad baroh kiba ioh pang, ki la poi sha ka 50,445 ngut.

U Himanta Biswa Sarma, myntri ka koit ka khiah ka Assam, u iathuh ba kiba ioh pang, ki long 362 ngut na Kamrup Metro, 177 ngut na Dibrugarh, 157 na Nagaon bad 123 na Kamrup Rural district.

Kiba dang don ia katei ka jingpang, ki long 14,429 ngut bad kiba iap, ki la poi sha ka 121 ngut. Hynnin ka sngi, ki don 6 ngut kiba iap na ka khlam covid 19.