Kwah ka BJP ban risain sa u Dr.Mukul

Shillong, 21 Naiwieng:
Ka State Unit jong ka Bharatiya Janata Party ka la pdiang sngewbha halor ka jinghiar shuki ka kong Roshan Warjri na kum ka myntri kam poh ing ka jylla, namar ka jingbym lah jong ka ban the lakam ia ka shongsuk shongsain hapoh ka jylla khamtam ha ri-lum Garo.
Ka BJP ha ka kyr woh ka la ong ba ka daw ba ka kong Roshan ka la hiar shuki noh ka dei namarba ka jingsngew briew jong ka kam shah ia ka ba kan bteng ia ka kam katkum ka hukum u Dr.Mukul Sangma, myntri rangbah uba ka BJP ka la kynnoh ba u ialam bakla lut ia ka tnad namar ka myntoi shimet jong u. Ka BJP ka la pynpaw ba ka kwah ba u Dr.Mukul ruh un bud ia ka nuksa jong ka kong Roshan da kaba hiar shuki noh ialade namar ka jingbym don ka shongsuk shongsain ha ka jylla.