Shillong: U Director ka tnad ka koit ka khia u Dr Aman War, u iathuh ba mynta ka sngi 22 ngut ki don kiba ioh Covid ha ka jylla. Na kine 19 ngut ki dei ki riew paidbah na East Khasi Hills District, uwei u shipai BSF na West Garo Hills District bad 2 ngut ki riew paidbah na South West Garo Hills District.
Haba iakren bad ki lad pathai khubor, na ka liang u Dr War, u iathuh ba ki 22 ngut ki briew kiba la test Covid positive ki kynthup ia ki 19 ngut ki riewpaidbah na East Khasi Hills District bad kine ki briew ki dei ki ba iajan (High risk Contact) lane kiba la ia kynduh ia ki briew kiba long positive.
Ha ba batai shai shaphang ki ne ki briew ki ba la test Covid positive mynta ka sngi u Dr War u la iathuh ba ha East Khasi Hills District, ki 3 ngut ki dei ki ba wan phai na shabar ka jylla katba ki 16 ngut ki dei ki High risk Contact jong ki briew ki ba long positive, kynthup ia ki High Risk Contact jong ki nongniah kali tourist bad kiba ia kynduh ia ki briew ba long positive na Nongrim Hills,Laitumkhrah, Mawlai Kynton Massar bad Malki. Ha South West Garo Hills District ki 2 ngut ki dei kiba wan phai na shabar ka jylla bad ha West Garo Hills District uwei u BSF.
Ki briew kiba dang pang Covid -19 ha ka jylla ki long 595 ngut, na kine ha East Khasi Hills District ki don 487 ngut ki shipai BSF ki don 188 ngut ki riewpaidbah 241 bad ki Arm Forces 58 ngut, ha West Khasi Hills District 5 ngut, ha Ribhoi District 58 ngut, ha West Jaintia Hills District 16 ngut, ha East Jaintia Hills District 17 ngut ha West Garo Hills District 15 ngut, ha South Garo Hills District 2 ngut, South Garo Hills District 2 ngut.
Ki briew ki ba la ioh ia ka jingkoit ba pura ki long 339 kynthup ia ki 9 ngut kiba la koit mynta ka sngi kine ki 9 ngut ki dei 5 ngut na East Khasi Hills District, 2 ngut ki riewpaidbah uwei u shipai BSF bad 2 ngut ki Arm Forces bad 4 ngut na Ribhoi District .ki sample ki ba la dep ban phah test ki long 39553, kiba long negative ki long 38062 bad ki result kiba dang ap ki long 552 ngut.
Sngewsih da ioh kum kine ki khubor