Shah ujor U Champion ba byrngem briew ha phatok

Shillong, 21 Naiwieng:
Ki bor ba dei peit jong ka phatok Shillong District ki la ujor ejahar pyrshah ia u chairman ka GNLA u Champion R Sangma namar ka jing byrngem jongu ia u nong trei ka phatok ban shim ia ka jingim.
U Champion u la pyrshang ban shoh ruh ia uwei u nongap u Kontro Khongwir hapoh ka phatok ha ka 16 tarik Risaw, la ong ki bor pyniaid ka phatok.
Ka thymmei khubor ha kane ka sngi Thoh dieng ka la iathuh ba u chairman ka GNLA u la byrngem ia u nongtrei ka phatok namar ba ym kohnguh ia ka jingdawa jongu.
Katkum ka thym mei khubor, u Champion u la byrngem ia ki nongtrei ba un phah ia ki dkhot ka GNLA ban pyniap ia ki lada kin shah kynriah sha Garo Hills.
Ka thymmei khubor ka la pynpaw ruh ba u chairman ka GNLA u la byrngem ba un bthah ia ki briew ban shoh ban dat ia ki nongtrei ka phatok.
Namar kane ka jingbyrngem u Champion, ka la mih ka jingtieng na ki nongtrei ha katei ka phatok. Haba iakren bad u SP ka East Khasi Hills u Bah Mariahom Kharkrang u la iathuh ba ki dang pynlong ia ka jingtohkit ia kane ka kam.