Treikam ka Passport Seva Kendra Shillong

Shillong, 20 Naiwieng:
Ka Ophis jong ka Passport Seva Kendra Shillong ka la pyntip ba naduh ba la plie ha ka 14 tarik U Naiwieng 2014 kala sdang triekam bad iaid sha khmat ban treikam na ka bynta kiba applai passport ha ka Normal Category.
Kumba la leh ha baroh kawei ka ri, ia ka passport lah ban ioh da kaba apply online bad da kaba siew online. Ia kane lah ban leh da kaba leit sha ka website- www.passportindia.gov.in . Ka dor ban applai ia ka Passpot ka long 1500 tyngka na ka bynta ka Normal applikashion (18 snem shaneng) Ka dor na ka bynta ka Normal applikashion (18 snem hapoh) ka long 1000 tyngka (kaban treikam haduh 5 snem kynthih) Ka dor na ka bynta ka Tatkaal applikashion ka long 2000 tyngka (hap ban siewlang ia ka dor jong ka Normal applikashion)
Tang na ka bynta ki kam kiba kyrkhieh lane kiba iadei bad ka koit ka khiah bad kiba la ioh jingbit kyrpang ki lah ban wan sha Passport Seva Kendra khlem da donkam ban buh ia ki appointment.
Na ka bynta ki khynnah kiba hapoh 4 snem karta, ha ka por ba ki wan sha Passport Seva Kendra,ki donkam ban wanrah ia ka colour passport size photo (4.5×3.5) kaba don ia ka background ba lieh. Na ka bynta kiwei pat, kim donkam ban wanrah dur ei ei, namar ia ka dur yn shon hapoh ka ophis jong ka Passport Seva Kendra.
Ka long kaba donkam ban thep biang ia ki applikashon phom lada jia ba ki nong apply kim shym wan mih satia sha ka ophis jong ka Passport Seva Kendra hapoh 90 sngi naduh ka sngi ba ki submit ne thep online ia ki aplikashon phom jong ki.
La kyrpad ia ki nongapplai ka kim dei ban ainong ha kino kino ki briew ne ban siew pisa palat ban ia katei ka dor ba la dep kdew haneng. (MIPR)