New Delhi: Hadien U Amit Shah, myntri sa U Dharmendra Pradhan, myntri ka sorkar India, u ioh ia ka jingpang khlam corona virus. La iathuh ba U Pradhan, uba dei u myntri ka tnat Petrol, u ioh ia katei ka jingpang iabit na uwei na ki nongtrei jong. U Dharmendra, u don mynta ha ka jingshah sumar ha Medanta Hospital, ha Gurgaon.
Kham mynshwa U Amit Shah, myntri kam poh iing ka sorkar India, ula ioh ia katei ka jingpang ha ka Sngi U Blei.
Kiwei pat ki lad khubor, ki iathuh ba ka elekshon komishon of India, ka la thoh sha baroh ki seng sain pyrthei ha ki jylla bad ha ri hi baroh kawei, ba kin ai jingmut halor ka jing iadei bad ka jing pynlong ia ka elekshon ha Bihar. Ka jingai jingmut jongki, kan long halor ka rukom kanbas paidbah bad ki jingialang kanbas elekshon, na ka daw jong kane ka khlam corona virus. La bthah ia baroh ki seng sain pyrthei, ba kin thoh ha shwa ka 11tarik Nailar 2020 sha ka Commission.
Phi don ban ong eiei?