Synreit dawai ki dkhot ka SSLP ban iada COVID

Shillong:Ka Task Force Committee jong ka Seng Samla Shnong Laitkor Pyllun ha ka Sngi U Blei ka la leit ban synreit dawai ia baroh ki jaka paidbah, naduh ka Surok National Highway-44, ki dukan, ki karkhana bad ki surok shnong ha baroh 4 tylli ki Dorbar Shnong Laitkor Pyllun naduh ka Laitkor Mawrie, Laitkor Mawrie Lumheh, Laitkor Nongdaneng bad Laitkor Rngi.

“Kane ka long shi bynta ka sienjam ban iada na ka jingpur ka jingpang COVID-19 namar ba ha kine ki taiew ba la dep na ka liang ka bor Sorkar ka la pynhap ia ka shnong Laitkor Pyllun kum ka Containment Zone. Ia kane ka prokram ban synreit dawai la noh synniang da u Bah Amit Mawrie, Proprietor jong ka A.M Electronic (Panasonic), Shillong”, ong u Bah Johnystar Mawrie, President Seng Samla Shnong Laitkor Pyllun.