Sa 11 ngut kiba ioh pang covid 19 ha ka Jylla

Shillong: Sa 11 ngut, ki don kiba ioh pang khlam corona ha ka Jylla, haduh ka por 10 baje mynta ka step.

Na kitei ki kynthup ia 9ngut na East Khasi Hills bad ki don 5 ngut kiwei pat lane ki riew paidbah, 2 ngut ki shipai bad 2 ngut ki BSF. Ha Ribhoi, u don uwei u riew paidbah, ha West Jaintia Hills, u don uwei u riew paidbah.

Kiba la jem na ka jingpang, ki long 18 ngut bad kitei ki dei 12 ngut na East Khasi Hills, kiwei pat iwei bad 5ngut ki BSF.

Baroh kiba ioh pang, ki la poi sha ka 626 ngut bad ka East Khasi Hills, ka don 509 ngut, ba kynthup ia 223 ngut ki BSF, 226 ki riew paidbah bad kiwei ki shipai ki don 60 ngut. Ha West Khasi Hills, ki don 5ngut, ha Ribhoi 56 ngut, ha West Jaintia Hills 16 ngut, West Garo Hills 17 ngut, South West Garo Hills 4 ngut, South Garo Hills 2ngut.

Baroh kiba la jem na ka jingpang, ki long 282 ngut bad kiba iap, ki long hi 5 ngut.