Shongkun ka lehniam Behdeinkhlam ka Raij Muthlong

Shillong: Ka leh niam Behdeinkhlam ka Raij Muthlong ha ryngkat ki kyndon ka ain sorkar ka ba la long ha ka 1tarik bad 2tarik Nailar, 2020, ka la long ha Biar Nohrong ka Raij Muthlong ha Thadmuthlong.

Ka lehniam ka la sdang naduh ka 1 tarik Nailar sngi Mushai ha ryngkat ka jingleh niam kumjuh ka shad Uin Talawiar shnong bad haka 2 tarik Nailar dang step sngi Pynkat la pyndep ia ka jing lehniam da u Shutia ka Raij Muthlong kaba ngi khot “ka Sang sngi Khlam” bad haka por shiteng sngi la pyndep shuh shuh iaka jinglehniam da ki rangbah jong ka Raij kum u Langdoh, Sangot, Maji, Shuti, Waheh Trei, Rangbah ki San Kur, bad ki Khyndai knie Khyndai Kpa, ha ryngkat khun shongbri shong khyndaw ka Raij ha Biar Nohrong.

Ha kane ka Lehniam Behdeinkhlam ka Raij Muthlong la wan shim bynta baroh ki khun Sein Raij Muthlong, Sein Raij Thadsning, Sein Raij Mukhap, Sein Raij Rashai, Sein Raij Latymphu bad Sein Raij Pammanik bad baroh ki lawan ban ai ka nguh ka dem Blei ban beh ia kane ka khlam kaba ngi tip ka Covid-19 sha ba saw ba sep ka sngi kaba ngim lah ban iohi shuh iaka naka ne ka sla pyrthei, ha kane ka nguh ka dem blei la shim bynta kum ba arngut naka kwei ka tnat seng ha ryngkat ka social distance ba la bthah da ka ain sorkar, mynta ka sngi la wan sakhi lang u kong san u B. Langbang ba dei u BDO ka Block Laskein bad u C.Langbang Acting daloi Elaka Shangpung kum u symbud kongsan.