Nongpoh: Hynnin ka sngi Saitjian, ki dkhot ka HNYF, 20Mer Circle, ki la leit bna synreit um dawai pyniap khniang ha kiba bun ki jaka ba ialum paidbah hapoh ka shnong Pahammawlein 20Mer, Ri Bhoi District.
Lyngba jong katei ka sngi, kitei ki dkhot ka HNYF, ki la synreit um dawai ha kiba bun ki jaka ba ialum paidbah ha katei ka shnong, kaba dei ruh kawei na ki jaka kaba la long pdeng ha katei ka thain, ym tang katta hynrei kitei kii HNYF, ki la leit synreit um dawai hapoh ka Toll Gate kaba don ha katei ka shnnong. Ia katei ka kam ban leit synreit um dawai sha katei ka jaka, la ialam da u Bah Dimon Suting, President ka HNYF, 20Mer Circle, ha ryngkat ka jingdon kiwei dei ki nongialam ka HNYF, Northern Region, kiba kynthup ia u Bah Don Roy Kshiar, u Bah Iaineh Wahlang, nangta ki nongialam shnong ka Pahammawlein 20Mer lem bad kiwei ki riew rangbah.
Haba iadei bad katei ka kam synreit um dawai, u Bah Dimon Suting, u la ong ba ka nongrim kaba la pynlong ia ka seng ba kan shim ia katei ka sienjam, ka dei hadien ba ki la iohi ba katei ka shnong ka dei kaba la longpdeng ia kiba bun tylli ki shnong kiba don ha katei ka thain bad kaba bun na ki paidbah na kiwei kiwei ki shnong ki wan sha katei ka shnong, na ka bynta ban thied ban pet bad ruh ban leit die ia ki mar rep mar riang.
Phi don ban ong eiei?