Trei ka khlam corona, ia U Lat ka Tamilnadu, ia u heh ka BJP bad khlad ka myntri ha UP

U Lat ka Tamil Nadu, U Banwarilal Purohit bad u heh duh ka seng BJP ha Uttar Pradesh, U Swatantra Dev Singh, ki la ioh ia ka jingpang covid 19. Kitei ki ioh pang hadien khyndiat kynta, ba U Amit Shah, myntri kam poh iing, u ioh ia katei ka jingpang.

Katba kitei ki dang shah sumar na katei ka khlam, la iathuh ba U Amitabh Bachchan, u aktor ba khraw ka bollywood bad u khun jongu, U Abhishek Bachchan, ki la ioh mih noh na hospital, hadien ba ki la koit na katei ka jingpang coronavirus.

Ha kawei pat ka khubor, ka Kamal Rani Varun, ka myntri jong ka sorkar Uttar Pradesh, ka la khlad noh mynta ka sngi, hadien ba ka la ioh ia ka jingpang coronavirus. Ka Varun, ka shah sumar naduh ka 18tarik mynta u bnai ha ka hospital ha Lucknow, hyrnei, ka la khlad noh mynta ka sngi.