Thiah hospital u Amit Shah namar ka jingpang COVID-19

New Delhi: U myntri ka kam poh iing jong ka ri India u Amit Shah u la ioh ia ka jingpang COVID-19 hadien ba ka jingtes ka la long positive. Mynta  ka sngi une u myntri ula pynbna sha ki paidbah lyngba ka Twitter ba ula ioh ia kane ka jingpang bad ula pynpaw ruh ba ula leit phah test namar ula suba ba ula don ki dak ki shin jong kane ka jingpang. U Shah ula iathuh ruh ba ula leit ban shah sumar ha hospital namar ka jingai jingmut jong ki doktor.

Ha ka Twitter u Shah ula ong, “Namar ki dak ki shin ba sdang jong ka jingpang corona, nga la dep phah test bad ka long positive. Ka jingkoit jingkhiah jong nga ka biang, hynrei nga la leit ban sah ha hospital namar ki doktor ki la ai jingmut ia nga kumta. Nga kyrpad ba kito kiba la iakynduh bad nga ha kine ki sngi kiba la dep, sngewbha ban leit phah peit ialade.”