Sa 1,457 ngut kiba ioh pang khlam corona ha Assam, khlad u khasi na Cachar

Ki don sa 1,457 ngut kiba ioh pang covid 19, hynnin ka sngi ha Assam bad kumta baroh kiba ioh pang, ki la poi sha ka 41,726 ngut.

U Himanta Biswa Sarma, ha ka tweet jongu, hynnin ka miet, u iathuh ba ka Kamrup Metro District, ka don 275 ngut kiba ioh pang thymmai bad sa 136 ngut ha Dibrugarh bad sa 116 ngut ha Sonitpur District. Haduh mynta, ki don 11,265 ngut kiba don ia katei ka jingpang ha ka jylla Assam.

Haduh mynta, ki don 101 ngut kiba iap ha Assam bad kitei ki kynthup ia lai ngut kiba iap ha ka sngi saitjain.

Na kitei ki lai ngut kiba iap, ki kynthup ia U Bah Morning Pohleng (40), uba shong ba sah ha Cachar District.