Ki don sa 57,117 ngut kiba ioh pang covid 19 hynnin ka sngi bad kiba iap, ki long 764 ngut. Baroh kiba ioh pang corona, ki la poi mynta sha ka 16,95,988 ngut bad nangta kiba dang don ia katei ka jingpang, ki don 5,65,103 bad sa 10,94,374 ngut kiba la mih na ki jaka sumar pang bad ki don sa 36,511 kiba iap.
Ka Telangana, ka kiew bha ha ka jingbun kiba pang hynnin ka sngi, ha kaba ki don 2,083 ngut kiba ioh pang bad sa 11 ngut kiba iap ha ka shingi. Haduh mynta kiba ioh pang ki long 64,786 ngut, kiba la mih na ki jaka sumar ki long 46,502 ngut. Kiba iap baroh ki long 530 ngut bad baroh kiba don jingpang ki long 17,754 ngut.
Ka Mexico, ka la tam ia ka Britain, ha ka jingdon bun kiba iap na ka khlam coronavirus, haduh hynnin ka sngi.
Ka jingiap na ka khlam covid 19 ha ka Ri America, ka la tam da 25 hajar ngut ha ka shibnai ha katei ka Ri bad ka jingiap ka bun tam ha California bad ha Florida, kiba dei ki jylla kiba bun briew bha.
Phi don ban ong eiei?