Sa 2,112 ngut kiba ioh pang covid ha Assam

Guwahati: Hynnin ka sngi, ki don 2,112 ngut kiba ioh pang COVID19 ha Assam bad baroh kiba ioh pang ha katei ka Jylla, ki la poi sha ka 38,407 ngut.

U Himanta Biswa Sarma, myntri ka koit ka khiah ka Assam, u iathuh ba ka Kamrup Metro District, ka don 283 ngut kiba pang, ka Nagaon, ka don ka 211 ngut, ka Kamrup Rural district ka don 210 ngut bad ka Sonitpur district ka don 132 ngut kiba ioh pang.

Mynta ki don 10,478 ngut kiba dang shah sumar, katba ki don sa 27,832 kiba la koit na kane ka jingpang. Da ka jingiap jong ki arngut ki nongpang, hynnin ka sngi, kumta baroh kiba iap, ki la poi sha ka 96ngut.

Ki pulit kiba ioh pang khlam covid ha Assam, ki la poi baroh sha ka 1,426 ngut bad na kitei ki don 1,048 ngut kiba la jem ha ka jingshah sumar bad kiba iap, ki don 4ngut na katei ka jingpang covid.