Kynnoh u kpa U Sushant, ba sei tuh ka Rhea, ia T.15 klur napoh Bank

Ka Rhea Chakravorty, kaba dei ka samla jong U Sushant Singh Rajput, ka don ha ka jingshah tohkit, halor ka jing kynnoh ba ka sei tuh ia ka pisa kaba T.15klur na ka account jong utei u aktor, uba dei u samla jongka.

Ka Enforcement Directorate (ED), ka dang tih bniah halor ka jing ujor jong u kpa jong U Sushant sha ki pulit ha ka sngi hat majai. U KK Singh, u kpa U Sushant, u kynnoh ba ka don ka jingsei tuh ia ka pisa kaba T.15klur na ka account jong U Sushant, da ka Rhea.

Ki pulit jong ka Bihar, ki la leit mynta ka sngi sha ka Kotak Mahindra Bank ha Mumbai, ban peit bniah ia ka account jong U Sushant Singh Rajput. La iathuh ba katei ka pisa, la sei noh bad thep sha lai tylli ki Bank Account, ha kaba la kynnoh ba ki dei ki account jong ka Rhea, u hynmen jongka bad ka kmie jongka. La iathuh ba U Sushant bad ka Rhea, kiba don ka jing ia ieid samla, ki don ruh ha ka jing ia trei kam, ha kaba ki la ia bei pisa lang, ha kaba ka Rhea bad u hynmen jongka, U Showik, ki dei ki director ha katei ka kompeni, katba kum ka jinglum jingtip jong ki pulit ka Mumbai.