Pynbna ‘Containment Zone ka District’ Magistrate ia kawei ka ïing ha Central Nongrim Hills

Shillong: Hadien ba la shem ba la don ba ioh ia u khñiang jingpang COVID-19 bad ba ki don ki high risk contact ha ki bynta jong ka Nongrim Hills, na ka liang ka ophis jong ka District Magistrate, ka la pynbna ba ia kawei ka ïing ‘House No C/D-015’ kaba don hajan ka Full Gospel Fellowship Church, Central Nongrim Hills kum ka containment area hadien ba ki la don ki high risk bad ki low risk contact kiba la iakynduh bad iwei iba pang COVID-19. Ka jingpynlong ia katei ka jaka kum ka containment area kadei halor ka jingdonkam ban leh ia ka contact tracing, ka quarantine, ban tes bad ban pynkhuid ia kitei ki bynta jong ka jaka.

Kumta ka ophis jong ka District Magistrate ka la pynmih hukum ba ki briew kiba sah ha kitei ki bynta jong ka jaka ba kim dei bam mih shabar, ban pynlong kano kano ka jingkhawai ne jingleh sngewbha, ban plie ia ki dukan, ban plie kino kino ki jaka ai jinghikai. Kane ka rai kan nym treikam ia ki nongtrei ka koit ka khiah, ki nongtrei municipal, ki Press ba kynthup ia ka Electronics & Print Media, ki petrol pump bad ki kali kit gas.