Kyllon iap arngut ki pulit ba hiar thma ka GNLA

Shillong 18 Naiwieng:
Arngut ki pulit ka jylla Meghalaya ki la kyllon iap hadien ba ki la shah hiat thma ha ki suba GNLA ha ka shnong Rewak hajan Siju ka South Garo Hills hynne ka sngi Hatmajai.
Kine ki arngut kiba la kyllon iap ki kynthup ia uwei u pulit Khasi ba la tip kyrteng kum u bah Aldrin Lygdoh 40 snem bad u Akilson Marak 38 snem.
“Kine ki la khlad hadien ba ki la shah pynbthei bom katba ki dang iaid da ka kali gypsy b alai ngut kiwei pat ki la mynsaw jur ha kane ka jingjia”, la ong u DGP u Peter James Pyngrope Haneman.
Kane ka jingjia ka la jia ha ka por 2 baje mynsngi katba ki dang thmu ban leit sha Siju na Baghmara kaba dei ka headquarter ka South Garo Hills. Ar tylli ki kali kawei ka kali bullet-proof bad ka gypsy kaba shong kitei kiba ngat ha ka apot.
“U bom IED u la bthei ha Rewak, haba ki pulit ki dang iaid da ki kali sha Siju”, la ong u SP ka South Garo Hills Bah Lakador Syiem.
U Haneman u la iathuh ba ka jingkhynra ia ki lehnoh ka la jur bha mynta da ki pulit ka Special Weapons and Tactics (SWAT) bad ki Combat Battalion for Resolute Action (CoBRA) ban kem ia ki riew pyntriem.