Sa 1,348 ngut kiba ioh pang khlam covid 19 ha Assam

Ka Assam, ka don sa 1,348 ngut kiba ioh pang khlam covid 19 hynnin ka sngi bad baroh kiba ioh pang, ki la poi sha ka 36,295 ngut baroh.

U Himanta Biswa Sarma, myntri ka koit ka khiah, u iathuh ba ki don 1,348 ngut kiba ioh pang covid 19 bad baroh kiba don ia katei ka jingpang, ha ka Jylla, ki poi sha ka 9,582 ngut. Kiba la mih na ki jaka sumar bapher, ki long 26,618 ngut bad kiba iap, ki long 92 ngut.