Lah ban nym shah U Lamphang ban kren halor ka Debora

Shillong 17 Naiwieng:
U Lamphang ka iing dorbar thawain ka jylla u AT Mondal u lah ban nym shah ban iakren ia ka jingkynnoh donkti ka myntri ka tnad social welfare ka Deborah C Marak bad ka seng lehnoh GNLA ha ka dorbar kaban sdang naduh ka 21 tarik mynta u bnai.
Ha ka jingshisha na ka liang ka liang pyrshah ka United Democratic Party (UDP) ka la dait bniat tyngeh ia kane ka kam hapoh ka iing dorbar bad ka la ong ba kan leh katba don ka lad ban wanrah beit ia kane ka mat hapoh ka iing dorbar.
Ka mukotduma jong ka Marak ka la poi ha iing kashari jong u CJM Court William nagar bad mynta ka dang iaid ha ka jingbishar.
Wat la ka don ka ain ka iing dorbar ba ym lah ban iakren ia ka mat kaba dang don hapoh ka jingbishar jong ka Kashari hynrei ka UDP ka la thaw lad kumno ban iakren ia kane ka kam lyngba ki kyndon jong ka ain.
U nongialam ka UDP u la ong ba ka party bad ki paralok jongka, kin rah beit ia kane ka kam hapoh ka iing dorbar thawain kajylla.
Lah ban kdew ba u Lamphang kham mynshwa um shym la ailad ia ki MLA Liangpyrshah ban iakren ia kam kynnoh bamsap ha ka tnad pule puthi namar ba u la ai daw, ba ka don hapoh ka kti jong ka Kashari.