Hiar Bangla ki BSF, ban iakren khang lad kam pyntriem

Shillong, 17 Naiwieng:
Ki heh BSF ka Meghalaya Frontier kynthup u IG Sudesh Kumar lem bad 18 ngut kiwei na tnad kam pohiing, ka Narcotics Control Bureau (NCB) bad ki BSF ki la mih mynta ka sngi, sha Bangladesh na Dawki ban iakren bad ki bor jong ka Bangladesh ban ialam da u Md Latiful Haider, u Additional Director General BGB, NE Region, Bangladesh ban iakren ban tehlakam ia ki kam pyntriem.
Kane ka jingiakyn duh kan long ha Tamabil, Sylhet.
Ha kane ka jing iakynduh yn iakren ia ki mat kiba iadei bad ki kam pyntriem, ki khappud kiba don hapdeng ka Assam, Meghalaya, Tripura bad Mizoram.
U B N Sharma u IG BSF Tripura Frontier bad u D K Upadhyaya, u IG BSF Mizoram & Cachar Frontier u don lang ha kane ka jingleit.
Kane ka jingthmu ka long ban pynkhlain ia ka jingiatreilang hapdeng kine ki ri ban tehlakam ia ki kam beain.