Weng pakhang surok miet ki 2 seng

Shillong, 17 Naiwieng:
Ki ar-seng ka Jaintia Students Movement (JSM) bad ka Jaintia Youth Federation (JYF) ki la pynbna ba ki la weng noh ia ka pakhang surok miet ka ba kham myn shuwa ki la pynbna ba kan long ha ka miet 19 bad 20 tarik.
Kitei ki ar-seng ki la weng noh ia ka jingkhot pakhang surok miet ka dei namarba u Deputy Commissioner ka East Jaintia Hills u la khot ban iakren ia ki mynta ka sngi na ka bynta ban pynurlong ia ka jingdawa jong ki, ha kaba la donlang u Additional DSP, ki ADM ha ryngkat U SDO ka MeECL bad ki ar sengbhalang na ka JSM la ialam da u General Secretary ka seng Bah Lening star Rymbai, U Publicity Secretary Bah Deijuhi Siangshai, Education Secretary Bah Roitrei Dkhar bad ka Kong Bythygracy Dkhar Convener JSM Woman Wing bad ka JYF ha ka jingialam U President jongka U Niwasly Rymbai bad u general Secretary bah John Pala.
U DC ha ryngkat ki ophisar ka MeECL ki la kular ha kitei ki nongialam sengbhalang ba kin ym pynduh ding shuh ia ki paidbah kumba ju long ha kine ki lai bnai bad ba ki la pynbiang lut nadong shadong ia ki mashin ki kor ki bor ban ai bording.