Shillong: U Director ka tnad ka koit ka khiah u Dr Aman War u la iathuh ba haduh mynta ki briew kiba don ia ka jingpang Covid -19 ki long 580 ngut.
Na kine, 13 ngut ki dei ki briew kiba don jingiadei bad ki 10 ngut ki briew kiba la wan na jingkhawai shongkurim na Assam bad kiba la ioh ia katei ka pang khlam covid 19; 22 ngut ki dei ki ba iabit na NEIGRIHMS hospital bad 5 ngut ki dei ki ba iabit na Civil Hospital.
Haba iakren bad ki lad pathai khubor, u la iathuh ba ki 13 ngut ki briew kiba la test Covid positive ki dei ki briew ba iajan bad ki 10 ngut ki briew kiba la wan shimbynta na ka jingkhawai shongkurim na kaba la long ha Greenwood Resort Assam.
Ha NEIGRIHMS hospital ki briew kiba iabit ia kane ka jingpang Covid -19 ki long 22 ngut ki ba kynthup ia ki 5 ngut ki nurse bad uwei u Doctor katba kiwei ki dei ki nongpang bad ki nongap pang ha kane ka jaka sumar.
Ha Civil hospital ki briew kiba la iabit ia kane ka jingpang Covid-19 haduh mynta ki long 5 ngut kynthup ia u wei u nongtrei, kawei ka nurse uwei u lab technician uwei nongpang bad i wei i nongap nong pang.
Ki nongïathoh bad kiba wan sha katei ka jingkhawai ïathoh shongkurim, ki la dei ki nongpynsaphriang ïa u khñiang jingpang corona virus ha kane ka ri khasi jong ngi bad lah ban ong ruh ki dei kine kiba wan rah ïa ka community transmission bad mynta kin sa kylla long ki silent killer ne ki nongpynïap briew ba shyrkhei.