Corona: Sa 23 ngut kiba ioh pang thymmai, hynnin ka sngi ha ka Jylla

Shillong: Ki don sa 23 ngut kiba ioh pang khlam covid 19, hynnin ka sngi, haduh ka por 11baje mynmiet. Kitei ki kynthup ia 9ngut ha East Khasi Hills bad kitei ki long 2 ngut ki shipai bad 7ngut ki riew paidbah.

Ha West Khasi Hills, ki don 3 ngut, ha Ribhoi 8ngut bad kitei ki kynthup ia 5 ngut ki shipai bad 3 ngut kiwei pat. Ha North Garo Hills 1, West Jaintia Hills 1 bad East Jaintia Hills 1.

Baroh kiba ioh pang, ki la poi mynta sha ka 555 ngut bad ha East Khasi Hills, ki don 460 ngut bad na kitei ki kynthup ia 272ngut ki BSF, 165 ngut kiwei pat, 23 ngut ki shipai.

Ha West Khasi Hills, ki don 3ngut, ha Ribhoi 49 ngut, West Jaintia Hills 10 ngut, East Jaintia Hills 9, West Garo Hills 15, South West Garo Hills 4, South Garo Hills 2, East Garo Hills 1, North Garo Hills 2.

Kiba la jem na ka jingpang, hynnin ka sngi, ki long 15 ngut ha East Khasi Hills bad kitei ki kynthup ia 14ngut ki BSF bad sa uwei u riew paidbah. Baroh kiba la jem, ki long 109 ngut bad kiba iap, ki long 5ngut.