Dep iasyllok ki heh ka Water Resources bad ka JHADC

Shillong 16 Naiwieng:
Ki heh ka tnad ba peit ia ki wah ki um, ka Water Resources ka la dep iasyllok bad ki heh jong ka Jaintia Hills Autonomous District Council (JHADC) halor ka jingthaw ia ka Water Policy.
“Ngi la dep iakyn duh bad ki heh ka JHADC bad ngi la ioh ia ka jingai jingmut kaba sngew tynnad halor kane ka phang”, la ong u heh ka tnad Water Resources mynta ka sngi u Blei.
U la ong ba ki la thoh ruh sha ka KHADC na ka bynta ban pynlong ia ka jingiasyllok ban thaw ia kane ka policy.
“Hynrei haduh mynta ka KHADC kam pat shym la ai jingtip eiei halor kane”, la ong u heh sorkar.
Katkum ka jingong jongu, ki jingai jingmut jong ki district council ka long kaba donkam bha halor kane ka polisy.
Haba iakren bad u CEM ka KHADC u Bah Adelbert Nongrum u la ong ba um shym la ioh jingtip halor kane hynrei u la ong ba un sa ong ia ki ophisar ka Council.
“Ngan kylli na ki ophisar ka Council halor kane”, la ong u Bah Nongrum.
Ka sorkar jylla ka la kwah ban ioh ia ka jingai jingmut halor kane ka polisi na ki nongsynshar shnong, synshar hima ban pynlong kaba bit ba biang.
Shwa ia kane ka sorkar jylla ka la khot iarap na ka International Cooperation (GIZ) ba na Gaermany ban thaw ia kane ka policy.