KHUBOR SNGEWLEM

Ha i Kong Jacinta War bad ki Khun i Bah Patrick Nongrum, na ka liang Ka Dorbar Federation of Khasi States, Kaba kynthup ruh ka Dorbar Ki Khlieh Nongsynshar ka Ri Hynniewtrep, ngi phah ia kane ka khubor sngewlem sha phi i kurim bad ki khun ki bahaiing baroh jong i Bah T. Patrick Nongrum,(bam kwai ha dwar u blei)

Ka long shisha ka jingduh kaba khraw, ngi iai kynmaw ia ki kam ba bha ki kam kiba rad bah jong i Bah Patrick Nongrum, naduh ki por ba ngi ia kitkam hapoh ka Dorbar Dong Main & Upland Road, ha ka Seng samla Laitumkhrah Pyllun, hapoh ka Executive Committee, Laitumkhrah Dorbar Shnong bad ruh ha ka Laitumkhrah Sports Social an Cultural Club ha kaba i (late) Bah T. Patrick Nongrum, i la long u nongaibuit ha ka Dong Main & Upland Road bad Seng Samla Laitumkhrah Pyllun, u Rangbah Shnong ka Shnong Laitumkhrah bad ruh u dkhot bad nongaibuit ka Laitumkhrah Sports Social & Cultural Club.

I Bah Patrick Nongrum i la long u riewkhmat uba la shimbynta ha kiba bun ki kam naduh ki kam kilan met haduh ki kam synshar khadar hapoh ka Dong bad ka Shnong, bad i la long u paia uba khlain ia ki samla bad khamtam ia ki nongshong shnong jong ka Shnong Laitumkhrah, kaba ngi sngewdei ban pynpaw ha kane ka por ka long ba i Bah Patrick Nongrum i la long uwei u nongialam u nongbtin hapoh Shnong uba baroh ngin nym klet namar i la long u rangbah uba shisha ha kaba la ieng ka “shikyntien ka hok” i la long uba kloi ban mih ha kano kano ka por na ka bynta ka Dong, ki Samla, bad ka Shnong.

Ha kum kane ka por sa shisien ngi pynpaw ka jingsngewlem ka jong ngi halor ka jingduh jong ngi ia kum une u rangbah uba long ka nuksa babha ia ki longdien baroh.

Khublei,

Bah John F Kharshiing,

Chairman, Ka Dorbar Ki Nongsynshar Ka Ri Hynniewtrep,

Adviser & Spokesperson, Federation of Khasi States,

bad nongkitkam barim kum u ;

i) Treasurer, Dorbar Dong Main & Upland Road, Laitumkhrah

ii) President, Seng Samla Laitkumkhrah Pyllun,

iii) Member, Executive Committee, Laitumkhrah Dorbar Shnong,

iv) General Secretary, Laitumkhrah Sports Social & Cultural Club,