Ha India, ki don 49,000 ngut kiba ioh pang khlam ha ki 24 kynta ba ladep bad na kitei ki kynthup ia ki 740 ngut kiba iap.
Ka tnat ka koit ka khiah ka sorkar India, ka iathuh ba ki don 49,310 ngut kiba ioh pang bad baroh kiba ioh pang, ki la poi mynta sha ka 12,87,945. Kiba dang shah sumar, ki long 4,40,135 bad kiba la jem na ka jingpang, ki long 8,17,208, katba kiba iap, ki la poi sha ka 30,061ngut, lyngba ka jingiap sa ki 740ngut ha ki 24 kynta ba ladep.
Ha Brazil, ki don 59,961ngut kiba ioh pang corona ha ka sngi palei bad ka dei ha ka sien kaba ar, kaba iai bteng ar sngi kynthih, ba katei ka jingpang kan kiew bha ha katei ka Ri. Ki don mynta 2.3 million ngut, kiba ioh ia katei ka jingpang corona ha katei ka Ri bad kaba wan ba ar ia ka America, kaba don 4 million ngut ki nongpang. La iathuh ruh ba ki don 1,311 ngut kiba iap ha Brazil, ha ki 24 kynta ba lade bad baroh kiba iap, ki la poi sha ka 84,000 ngut ha katei ka ri.
Ha United States, ki don 1,000 ngut kiba iap na ka khlam corona bad katei ka iai bteng, haduh lai sngi kynthih.
Ha ka sngi balang, ki don 1,135 ngut kiba iap, ha ka sngi hat majai, ki don 1,141 ngut kiba iap. Ki don baroh 40 lak ngut kiba ioh pang khlam corona ha USA bad kaba la pyni, ia ka jingma kaba khraw ia ka jingpur stet ka jingpang ha katei ka Ri. Kiba ioh pang thymmai ha US, ki long 76,570ngut, ong ka khubor jong ka Johns Hopkins University.
Phi don ban ong eiei?