Shillong: Ka ophis jong ka tnat khlaw, lane ka Forest Management Building, kaba don ha Lachumiere, Shillong, ka la khang ia mynta shipor, hadien ba ka don ka jingsuba, ba wei u nongtrei, ula ioh ia ka jingpang Covid 19.
“Namar ba ka dei ka kaba dan shu suda, kumta ki ophisar bad ki nongtrei jong katei ka tnat, ki la don ha ka jing shong kyrpang ialade, tad haduh ban da pynthikna ia ka jinglong jingman jong utei u nongtrei bad haduh ban da pynkhuid bha ia katei ka iing baroh kawei: ong U bah YS Shullai, Principal Chief Conservator of Forests & HoFF, haba pyntip sha U Principal Secretary, uba peit ia ka Forests & Environment mynta ka sngi.
La iathuh ba utei u nongtrei lower division clerk, ula leit sha ka Lad mawreng, East Khasi Hills, na bynta ka kam ban iarap ia kiba don ha ka kam Covid 19 bad ula leit trei biang, ha ka 22tarik mynta u bnai bad la ong ba nalor ba um don ha ka met kaba koit ba khiah, nangta, ula iakhleh bad kiwei ruh ki nongtrei ha katei ka jaka trei.
Katei ka jaka trei, ka kynthup ia ki saw tylli ki Division, ka Territorial Division, Wildlife Division, Training Division bad ka East Khasi Hills Social Forestry Division. La iathuh ba ka East Khasi Hills Social Forestry Divison, ka la pyntip sha ki bor District, halor katei ka jingjia, ong shuh ka shithi, jong U bah Shullai sha U Principal Secretary jong katei ka tnat.
Phi don ban ong eiei?