Jur bha u slap ha Sohra, hynnin ka sngi

Shillong: Hynnin ka sngi, ka jinghap slap ha Sohra, ka long 390.0mm bad katei ka dei kaba thew naduh hynnin ka por 8.30 mynstep haduh 8.30 mynta ka step.

Ha katei kajuh ka por, ka jinghap slap ha Shillong, ka long 142.9mm, katba ha Umiam, ka long 94.8mm.

Mynta ka sngi, ka jinghap slap ha Shillong, naduh ka por 8.30 mynstep haduh 4.30 nohsngi, ka long 31.3mm, katba ha Sohra, ka long 42.1 bad ha Umiam, ka long 16.8mm.

Ka tnat peit mariang jong ka sorkar India, ka iathuh ba lashai ka sngi, kan don ka jingmeh ding leilieh bad ka jingtied pyrthat lem bad ka jinghap slap, kaba jur bha ha ki bynta jong ka Jylla.