Sa 1,093 ngut kiba ioh pang khlam covid 19 ha Assam

Ki don sa 1,093 ngut kiba ioh pang covid 19 ha Assam, hynnin ka sngi bad baroh kiba ioh pang, ki la poi sha ka 25,092.

U Himanta Biswa Sarma, myntri ka koit ka khiah, u iathuh ba na kitei kiba ioh pang, ki don 448 ngut kiba ioh pang tang ha ka sor bah Guwahati. Haduh mynta, ki don 7,936 ngut kiba dang shah sumar, na katei ka jingpang ha Assam, katba ki don 17,095 ngut kiba la mih, na ki jaka sumar bapher bad hynnin ka sngi, ki don 1072 ngut kiba la mih na ki hospital bapher. Katei ka jingpang, ka la pyniap ia 58 ngut ki briew ha Assam.