Kem kali dewiong U DC West Khasi

Nongstoin, 10 Naiweing:
U bah S. Kharlyn gdoh U Deputy Commissioner ka West Khasi Hills bad ha ka juh ka por u ba long ruh u u District Magistrate myn ha ka miet sngi saitjain jong ka taiew ba la lah u la ioh ban kem hi da lade ia ki katto katne ki trok kit dewiong katba ki dang iaid bad kit beain lyngba ka surok Nong stoin-Shillong ha ka wei na ki jaka ha ka shnong Mawlangkhar.
Ha ka jingiakren bad ki nongthoh khubor U DC, u la ong ba na ka liang jong u, u la dep ban pynmih ia ka hukum ban pynthymmai ia ka order ba baroh ki trok kim dei ban tap ia ka tar pulin namar ba kane ka jingtap tarpaulinka jong ki ka pynsuk ia ki ban thok ba ki kit ia ki dieng hynrei ba bun na ki, ki kit ia u dewiong.
Shuh shuh U DC u la ong ruh ba naduh 6 tarik u la mih na Nongstoin ban kiew sha Shillong, hynrei ynda u la wan phai khnang ba u kwah ban tip don aiu ha lynti, ula ia kynduh ia kine ki trok bad ki la pynsangeh bad katto katne u la pynphai sha Nongstoin bad ha ka jingkylli na ki nongniah bad nongbud jong ki tei ki trok ki la iathuh ba ki la dep ban ai pisa sha Nongstion ha u ta u nongpyllait ia ki. U DC u la ong ruh ba u la dep ban bthah ia ki pulit ba ki kali baroh khoit kiba iaid lyngba ka Nanbah ba hadien ka 8.00baje mynmiet, kim dei ban shah ia ki kali, kiba tap tarpaulin ym dei ban shah bad ka jingkit dewiong lei lei ka la long kaba pynkhein lypa hynrei kane kajingiaid lait jong ki trok kala long shisha ka jinglynngoh kaba jur.Na liang jong ka District West Khasi Hills lyngba u District Magistrate ka West Khasi Hills, bah. S. Kharlyngdoh dang shen, u la pynjari biang ia ka kyndon ain 144 CrPC na ka bynta ki driver truck, ki nongkit be- ain ia u dewiong, ki nongkit rnga bad dieng beain ha baroh kawei ka District hynrei ki trok ki dang iai bteng ban pynkhein ia ka ain wat haduh kine ki sngi.