Ka PHC Umkiang kaba pei bad ka kamra ki doktor ruh ka jaw um slap

Shillong: Hadien ba ki nongshong shnong, ki la ujor sha ki Nongialam Shnong Umkiang, halor ka jingjot ne ka jingpei um slap ka Umkiang PHC. Mar mar ki nongialam Shnong Umkiang, ki la leit jurip ha ka 20tarik Naitung 2020, ha kaba la lap ba ka don shisha ka jingbym biang kane ka PHC ha kaba ka jaka sah ki nongpang ka pei umslap bad ka pynlong ia ki nongpang khamtam ki nongkha khun ban ia kynduh jingeh bad kaba sngewthamula ka long wat ka jaka bashong ki Doctor ka pei um slap. Ka PHC Umkiang, ka dei kawei na ki PHC ba bun ki nongkha khun hapoh ka thain Narpuh, naduh Hingaria Huroi shaduh Ratacherra.

Te halor kane ka jingbym moramot ka Sorkar lyngba ka Health Department ka Dorbar Shnong Umkiang, ka pynpaw ia ka jingsngewdiaw bad ka la kyrpad ia ka Sorkar ka dei bad maramot kloi kloi ia katei ka PHC khnang ba kan long ka jingmyntoi ia ki nongshong Shnong Umkiang bad ban lait na ka jingjhieh slap, ong ka kyrwoh na U bah Lasting Pala, Waheh Shnong bad U Ma Nicholas Lyngdoh, Secretary, ka Shnong Umkiang.