U kpa jongnga, ula kwah ban pynhap khun, ka tnga jongnga, ka la mut sa ban dih ia u kuli pynhap khun, ong U Kanye West

Hynnin ka sngi, U Kanye West, ula iam pait dohnud dohnam, ha ka jing kanbas na bynta ka elekshon President bad ha katei ka jing kanbas paidbah, u iathuh ba ka tnga jongu, ka Kim Kardashian, ka kwah ban pynhap khun, ha ka por ba ka dang armet nyngkong na U West, hynrei ula ong ba kam long kaba bha ban pynhap khun.

U West, ula kren ia kitei ki kyntien ha ka jingialang paidbah, kaba ula pynlong ha South Carolina, hynnin ka sngi. Ha ka jingkren jongu, ula ong “Ngam salia satia, lada nga jop ne rem”.

“Ki don ki briew, kiba shong khlem iing ha syndah jong ka Gucci store. Nga sngew synei ia kiba kum kine bad nga don ha ka kamram ban shakri ia U Blei”. Nangta, ula ong ba u kwah ban iakynduh ia U George Soros, ban iakren halor ka kam iarap ban thaw ia ki iing shong briew bad kumjuh ia U Mark Zuckerberg, ban pynbiang ia ki internet sha Africa.

U West, uba dei u nongrwap rap, uba 43 snem ka rta, ula pynlong ia katei ka jingialang ha Exquis Event Center ha North Charleston, ha kaba la khot tang ia kito kiba la jied kyrpang, ha kaba ia ka jingialang la pyniaid da ka kynhun, kaba ai kyrteng Politico.

U Kanye West, u iathuh ba ha ka por ba ka tnga jongu, ka Kim Kardashian, ka dang ar met, na ka bynta ka khun nyngkong jongki, ka North, ha u snem 2013 bad ha katei ka por, ka Kanye, ka la phone bad ka iathuh ba ka la armet bad ka da iam artad. “Ha katei ka por, nga don ha Paris bad nga dang trei kam ha ka laptop jongnga. Ka screen jong ka laptop, ka kylla black and white” bad ha katei ka por, ka wan ka ktien na U Blei, kaba ong “Lada me pdiang ia ka mon jongnga, ngan pdiang ruh ia ka mon jongme ( ‘My screen went black and white,’ he said. ‘And God said, if you f* with my vision I f* with yours”.

Mar kumta, ula phone ia ka Kim Kardarshian, ka samla jongu bad u ong “Ngi dei ban don ia ine i khun bad kumta, ka la kha ia ka North sha ka pyrthei” bad u ong shuh “Ka la bat ia u kuli pynhap khun ha ka kti jongnga” bad u ong biang “Nga la mut ban pyniap ia ka khun kynthei jongnga”.

Hadien kata, u iathuh shaphang ka jingim jongu ruh bad u ong “Ka dei ka kmie jongnga, kaba la pynim ia nga. U Kpa jongnga, u kwah ban pynhap noh ia nga. La dei ban nym don Kanye West, namar ba u kpa jongnga, u bunkam palat”.

U West, nangta u ong shuh shuh ba u kwah ba ka sorkar kan bei pisa ia ki kynthei, ba kin ioh khun, ba kim dei shuh ban pynhap khun bad ka kmie, kaba ioh khun, kan ioh shi million dollar antad, ula ong.