Tyrwa khusnam ka SengNongshken

Shillong, 7 Naiwieng:
Ka Synjuk Pyn hiamlang Nongshken Pyllun (SPNP), ka Seng kaba trei na ka bynta ka bha ka miat jong ka Shnong Nongshken Pyl lun ba kynthup ia ki Shnong Nongshken, Maw dang bad Korblang, kum shi bynta ban pynshlur bad ai mynsiem ia ki Samla pule ka Shnong, kiba la pass bha ha ka resod jong u snem 2014, sa shisien pat ka khot ia ki ban aplai ia ka Award 2014 jong ka Seng.
Ki Samla pule kiba lah ban aplai ia katei ka Award, ki dei ban ioh marks kumne :SSLC- 60 % shaneng, HSSLC (any streams)- 60% shaneng, Graduate- 45 % shaneng ia ki samla pule Honours bad 50% shaneng na ka bynta ki General bad ia ki Post-Graduate- 45% shaneng.Kito ki samla kiba aplai ki dei ban pynbiang baroh ki documents ba kynthup ia ki Admit Card, Marksheet bad 2 tylli ki dur Passport size, ki dei ban pynpoi noh ia ki aplikeshon jong ki sha u Education Secretery ka Seng Bah KKD Samiam ha lane shuwa ka 15 tarik u Naiwieng 2014, kiba pynpoi slem ka Seng kam kitkhlieh.
Ha ka juh ka por ka Seng ka pynkynmaw ruh ba kito kiba aplai ki dei ban long kiba nang ban kren ia ka ktien nongskhen, kampher la ki dei kiba sah hangno hangno ruh bad ki dei ruh tang ki khun nongshken, kaba mut, kiba mih na ki Kmie ne ki Kpa kiba dei napoh ka shnong Nongshken Pyllun.Na ka bynta ka tarik ban sam ia ki Award yn sa ai jingtip hadien, ong ka kyrwoh ba la pyllait da u Publicity Secretary ka Seng Bah KKD Samiam.