Yn wan tur u asteroid, ha ka 24tarik shajan ka pyrthei

U met bneng lane u asteroid, un wan tur biang ha syndah jong ka pyrthei, ha ka 24tarik Naitung 2020.

Ka National Aeronautics and Space Administration (NASA), ka iathuh ba utei u met bneng, uba ka jingheh jongu, kan long kumba 1.5 bynta na ka jingleh jong ka London Eye, un wan tur sha ka pyrthei, ha ka 24tarik mynta u bnai.

Utei u met bneng, u don ka jingheh, kaba 0.034 astronomical units (AU) lane 5,086,327 kilometre jong ka pyrthei bad utei un her ha ka jingstet kaba 48,000 kilometre ha ka shi kynta.

Ka kotkhubor Mirror, ka iathuh ba ki stad peit met bneng jong ka America, ki kam ba utei u dei u met bneng, uba pynjulor shibun bad la tip ia u da ka kyrteng 2020ND bad u dei uba jrong 170m.