Sa 15 ngut kiba ioh pang khlam covid 19, baroh ki la poi 367 ngut

Shillong: U Director ka tnad ka koit ka khia u Dr Aman War u la iathuh ba mynta ka sngi la test covid Positive ia ki 15 ngut ki briew , 7 ngut na East khasi Hills District,3 ngut na West Garo Hills District,4 ngut na Ribhoi District bad uwei na South west Garo Hills District.

Haduh mynta ka jylla ka la don 367 ngut ki briew ki ba dang don ia ka jingpang Covid-19 ,ha East Khasi hills district 314, na kine 240 BSF ,14 ki ArmForces bad 60 ngut ki riew paidbah,ha Ribhoi District 35 ngut ha East Jaintia Hills 2 ngut ha South Garo Hills 2 ngut, ha West Garo Hills District 11 ha South West Garo Hills District uwei ha East Garo Hills District uwei,bad ha North Garo Hills District uwei.

Haba ia kren bad ki lad pathai khubor na ka liang u Dr War u la iathuh ba na East khasi Hills District ki don 7 ngut kiba ioh ia katei ka jingpang Covid -19 na ki ne 4 ngut ki dei ki shipai BSF bad 3 ngut ki dei ki ba wan phai na shabar ka jylla 2 ngut ki dei ki ba wan phai na Assam bad uwei na Bihar.

U la iathuh ruh ba uba na West Garo Hills District u wei u dei u shipai BSF bad 2 ngut ki riew paibah ki ba wan phai na shabar ka jylla bad 4 ngut ki dei na Ribhoi District 3 ngut ki dei ki High risk contact jong ki 2 ngut ki briew jong ka tnad ka koit ka khia ki ba la test positive bad uwei u dei nongap pang ha NEIGRIMHS Hospital bad u dei ruh u high Risk Contact jong u shipai BSF u ba la test Covid-19 ha NEIGRIMHS Hospital.

Ki briew ki ba la dep ban phah ia ka sample ki long 26940 ki ba long negative ki long 26,000 ki result ki ba dang ap ki long 522 bad ki briew ki ba la wan phai ha ka jylla ki long 22,504.