La pynsangeh ia ka jingwan jong ki shipai sha ka jylla

Shillong:Hadien ka jingkiew sted jong ka jingpang covid-19, ha ka jylla, khamtam na ka liang jong ki shipai BSF; kumta ki tnad shipai bapher, ki la pynsangeh noh shwa, ia ka jingwan jong ki shipai ha kane ka jylla, iathuh U Director ka tnad ka koit ka khia u Dr A War.

Haba ia kren bad ki lad pathai khubor na ka liang u Dr War u la iathuh ba ka sorkar jylla ka la dep ban iakren bad ki tnad shipai ban pynsangeh noh ka jingwan jong ki shipai ha kane ka jylla.

U Dr War u la ong ba bunsien la ju iohi ba ki shipai kiba wan ha kane ka jylla haba test ha Guwahati ki long negative, hynrei ynda ki la poi ha ktem ki la iabit noh ia kane ka jingpang kumta la phah pynsangeh noh ia ka jingwan jong ki Shipai haka ne ka jylla.

U la ong ruh ba ki shipai kiba ladon ha lynti lada ki poi ha Guwahati kin hap ban sangeh noh ka wan sha ka jylla Meghalaya bad kin hap shong quarantine ha ka ktem ba don ha Guwahati.

Haduh mynta ki shipai kiba la shah ktah ha kane ka jingpang ki long 236 ngut ki Shipai BSF bad ki Armforce ki don 14 ngut uwei na Rangmen, 2 ngut ki Shipai Air Force, 2 ngut ki Shipai Assam Rifle bad 9 ngut ki Shipai Regimental.