Kyntait u heh ka MBOSE,

Shillong, 5 Naiwieng:
U Executive Chairman ka Meghalaya Board of School Education (MBOSE) u Bah EP Kharbhih u la kyntait ba la pynlong elective subject ia ka Khasi (Modern Indian Languages (MIL) ha ka klas XII.
Haba kren mynta ka sngi, sha ki nongthoh khubor mynta ka sngi u la ong ba ka long kaba bakla ban ong ba ka Board ka thmu ban pynlong ia ka MIL kum ka elective subject.
Haba kubur ba ka English kan long tang maka ka compulsory subject ha ka rukom pyniaid kaba thymmai, u Bah Kharbhih u la ka MBOSE ka la plie lad ia ki khynnah pule kin ioh ban jied ia ki subject MIL da kaba pynkylla elective ia ki subjek MIL.
“Ngi la buh san sobjek ban jied bad ka English kan long compulsory subject”, la ong u Executive Chairman.
Ha ki snem ba la dep ka English bad ka MIL (Khasi) ki dei ar tylli kiba long compulsory subject hynrei kam shym la don ka jingkhang ia ki khynnah ban shim da ka alternative English ha ka jaka ka Khasi”, la ong u Bah Kharbhih.
Hynrei ha kane ka rukom ba thymmai ia ki subjek MIL, la pynkylla kum kum ki eletive subjek haba u khynnah u lah ban jied da kano kano ka subjek ym kum mynshwa haba ka MIL ka long kompolsori. Tangba kaba pher hyndiat ka long ba shisien ba u khynnah u jied ia kano kano ka MIL subjek, yn hap ban pas beit kaba mut ba u lah ban shim da kano kano subjek kaba la don ha ka MIL subjek.
U la ong ki khynnah ki hap ban pas san tylli ki subjek na ka bynta 500 mark bad kane ka kynthup ka English bad sa saw tylli kiwei pat kiba un hap ban jied.
“Ka subjek kaba hynriew kan long tang kum ka Additional Elective Subject bad ia kane ka jingpynkylla la leh ban ai lad ia ki khynnah ban jied ia ki subjek katkum ka jingkwah jongki”, la ong u Bah Kharbhih.
Hynrei kaba pyrshah da kiba bun ka long ba ha kane ka rukom pyniaid thymmai, ki khynnah ki lah ban pynlong elective subjek wat ia ki subjek jong ka MIL, kaba mut ba ki khynnah ki lah ban nym shim Khasi bad ialeh da kiwei ki subjek.
Katkum ka jingong u Executive chairman ka MOBOSE ka MIL ka la kylla kum ka Elctive Subjek,ym kum mynshwa haba ki khynnah ki dei ban ialeh beit ia ka Khasi bad ka English, hynrei mynta ka dei tang ka English kaba ki hap ban shim beit.